Ardo eta goi joskintzako diseinu artean: Katxiña Upategia eta Balenciaga Museoa
![](img/noticias/vinos-alta-costura-portada2.jpg)
Ospetsua bere badia dotoreagatik, urrezko hondartzengatik eta mundu mailakoa den gastronomiagatik, Donostiak ez dio uzten turistak harritzeari
Hala ere, hiriaren xarmaz harago, badira ezagutu beharreko hainbat eta hainbat harribitxi. Urrutira joan gabe, kostaldetik mendebalderantz joz, eta 30 kilometro baino gehiago aldendu gabe, badago gastronomia eta kultura, upategiak eta goi joskintza uztartzen dituen txango bat.
Katxiña upategiak eta Balenciaga Museoak luxuzko eta naturazko konbinazio ezin hobea eskaintzen dute, Donostiako edozein bisitariren esperientzia osatzeko. Hiritik erraz iristeko moduan, helmuga horiek turistak gonbidatzen dituzte ezohiko lekuak esploratzera, Euskal Herriko benetako harribitxiak ezagutuz.
Katxiña Upategia: Mahasti arteko Oasi bat Orion
Donostiatik kilometro gutxira, Orioko arrantza-herri xarmagarrian, Katxiña upategia dago. Ardoaren paradisu honek mahasti artean murgiltzeko esperientzia ematen du; bertan, bisitariek Katxiña txakolina dastatzeko aukera dute. Freskoa eta arina, ardo zuriaren barietate hau arreta handiz egiten da, eta euskal paisaiaren muina islatzen du.
![](img/noticias/vinos-alta-costura-katxina-2.jpg)
![](img/noticias/vinos-alta-costura-katxina-1.jpg)
Katxiñan, txakolinaz gain, Orioko sukaldaritzaren tradizio oparoaz ere gozatuko duzu. Parrillako usainak itsas haize gozoarekin nahasten dira, tokiko gastronomiak berezko dituen zaporeen festa ederra egiteko. Gainera, upategia leku ezin hobea da ekitaldi esklusiboak antolatzeko, bikaintasuna eta jatortasun iturria den ingurune batean ezin ahaztuzko esperientzia bermatuz.
Oriok, bere mendi berdeekin eta Oria ibaiak itsasoarekin bat egiten duen bere bokalearekin, ingurune ezin hobea eskaintzen du aire zabaleko hainbat jarduera praktikatzeko. Ibilaldi lasaiekin eta bizikleta txangoekin hasi eta surfa edo piraguismoa bezalako ur kirolekin buka, ezin konta ahala aukera daude. Herri txiki hau babesleku naturala da eta ezin hobeto osatzen du Katxiñan bizi dezakegun esperientzia.
Balenciaga Museoa: Goi Joskintzarako Bidaia Getarian
Donostiatik 30 kilometrora, Getariako hiri historikoan, gure bigarren geralekua dago. Getaria, bere portuagatik eta Erdi Aroko etxe xarmagarriengatik ezaguna, agertoki ezin hobea da XX. mendeko diseinatzaile garrantzitsuenetako baten historian murgiltzeko, bertan altxatzen baita Cristobal Balenciaga Museoa. Gipuzkoako jostun ospetsuari eskainita, Museoak Balenciagaren bizitza eta obra ematen ditu ezagutzera ikuspegi sakon eta zehatz batetik.
![](img/noticias/vinos-alta-costura-balenciaga-1.jpg)
![](img/noticias/vinos-alta-costura-balenciaga-2.jpg)
2024an, museoak erakusketa liluragarriak zabaldu ditut, besteak beste, "Balenciaga. Izaera" (Balenciagaren diseinu bat zerk bihurtzen duen paregabe aztertzen duena) eta "Chillida eta Balenciaga. Forma tolestuz" (Balenciagaren eta Eduardo Chillidaren filosofia sortzaileak alderatzen dituena). Erakusketa hauek Balenciagaren trebetasun teknikoa eta espiritu berritzailea agerian jartzeaz gain, formaren, kolorearen eta proportzioaren gaineko jakite sakona ere islatzen dute.