Donostia, beste behin ere munduko lehena

Forbes aldizkari ospatsuak Donostia 2024 urtean bidaiatzeko leku onenentakoa izendatu berri du, eta 'Condé Nast Traveler'eko irakurle zorrotzek, aldiz, 2023ko jateko munduko hiririk onena.

Beste behin ere, Donostiari helmuga turistiko eta gastronomiko gisa maila gorena aitortu zaio. Baina hori ez da dena, Tripadvisorek Kontxa Hondartza munduko hondartza onenetakoen artean hautatu baitu. Bertara joaten direnek, urtero urtero, aukera honen alde egiten baitute.

Donostiak berezko distira du. 'Condé Nast Traveler'en Readers 'Choice Awards' sari ospetsuetan, Gipuzkoako harribitxi hau luxuzko bidaietan eta goi-mailako gastronomian aintzindari bilakatu da 96,67ko kalifikazioa ikaragarria lortuz.

Donostia dena daukan kostako hiri gisa deskribatzen da. Parte Zaharrean pintxo ospetsuak dastatzeko aukeratik hasi eta Kontxa hondartza ederrean erlaxatu edota Gros auzoko surf-kultura esperimentatzeraino. Gainera, Igeldo mendiaren ikuspegi ederraz ere goza dezakezu, hiriko begiratoki onena eta urte ugari dituen esperientzia, XIX. mende amaieran Maria Kristina Erregina maiz joaten baitzen bertara.

Baina Donostiaren bereizgarri nagusiena sukaldea da. Gastronomiari dagokionez, Estatuko tokirik garrantzitsuena dela esaten da, hirian itsaski eta arrain bikainak aurki baititzakegu, Michelin izarrak dituzten jatetxeak, 16 guztira, Soles Repsol saria jaso duten beste hainbeste jatetxe, pintxo ospetsuak eta erotzeko moduko gazta tarta. Mundu osoko bidaiari gourmetak Donostiara etortzen dira bertako kutixiez gozatzera.

Beste helmuga gastronomikoen aldean nabarmentzen duena helmugaren benekotasuna da, sukaldari, errezeta eta produktuak bertakoak baitira, 0km-koak, berezkotasunari eta iraunkortasunari eusten diotenak, eta horrexek egiten du paregabeko helmuga.

Bidaiarien elitearekin bat egin eta ezagutu ezazu Donostiaren lilura gastronomikoa, goi-mailako sukaldaritzak eta kostaldearen edertasunak esperientzia paregabea eskaintzeko bat egiten duten tokia.