Bizi ezazu ezin ahaztuzko VIP esperientzia bat Reale Arenan
![](img/noticias/reale-arena-experiencia-portada.jpg?v01)
Donostiak Lehen Mailako futbol taldea du eta kokagune pribilegiatu batetik hura ezagutzera gonbidatzen zaitu
Hiri honen bihotzean Reale Arena dago, Realaren etxea alegia, non futbol partidak bizitzeko modua birdefinitzen duen VIP esperientzia batez goza dezakezun.
Zure esperientzia erRealena: Hospitality VIP
Imajinatu zer izan daitekeen Reala jokatzen ikustea Reale Arena-ren lekurik esklusiboenetatik. Hospitality VIP zerbitzuak esperientzia paregabe eta esklusiboa eskaintzen dizu, exijenteenentzat diseinatua. Iristen zaren unetik, giro lasaian murgiltzen zara, egun ahaztezina igaroko duzula bermatzen dizuten erosotasunez eta lehen mailako zerbitzuz inguratuta.
Partidaren emozioa gertutik sentitzen da, eta zelaiaren gaineko ikuspegi pribilegiatuak, jokaldi bakoitza ekintzaren erdian egongo bazina bezala bizitzeko aukera ematen dizu. Arreta pertsonalizatuak ziurtatu egiten du zure behar guztiei erantzuten zaiela, eta aukera ematen dizu ekitaldiaz inongo kezkarik gabe gozatzeko. Gainera, lurraldeko gastronomiarik onenaz gozatu ahal izango duzu, arreta handiz hautatutako tokiko zaporeekin zure esperientzia osatuz.
VIP eserlekuak eta Eremu Esklusiboak
Zelaiaren gaineko ikuspegirik onenak emateaz gain, VIP eserlekuek luxuzko eremu bat ere eskaintzen dute, zure esperientzia areagotzen duten zerbitzu osagarriekin lagunduta. Premium besaulkietatik hasi eta kalitate handiko catering zerbitzuraino, xehetasun bakoitza pentsatuta dago zure erosotasunik handienerako.
Tokirik nabarmenetako bat Premium Tunnel-a da. Zelaira atera baino segundo batzuk lehenago futbolarien tentsioa eta emozioa ikusteko aukera ematen dizu Ligako gune paregabe honek. Aldageletako tunelaren gaineko ikuspegi esklusibo honek ukitu berezi eta paregabea emango dio zure bisitaldiari.
Ardozaleentzat, Reale Arenako ardotegia espazio ezin dotoreagoa da, eta, bertan, ardorik onenak dasta ditzakezu, tokiko produktu gastronomikoekin batera. Txoko berezi honek estadioaren gaineko ikuspegi desberdina ematen dizu, ezin aproposagoa mokofin guztientzat.
![](img/noticias/reale-arena-experiencia-f01.jpg?v01)
![](img/noticias/reale-arena-experiencia-f02.jpg?v01)
Xarma eta Pribatutasuna duten espazioak
Reale Arenak "hospitality" eremu batzuk ere baditu, eta bertan dauden ikuspegi zoragarriak giro lasaiarekin eta zerbitzu esklusiboekin konbinatzen dira. Bai Korner Anoetak, bai Korner Zubietak esperientzia lasaia eskaintzen dute, zelaiaren gaineko ikuspegi diagonalarekin batera, partidaz giro informalagoan gozatzeko ezin hobeak biak.
Tribuna Nagusian eta Ekialdeko Tribunan dauden Palkoek estadioaren zabalerarik eta panoramikarik onena eskaintzen dute. Enpresen eta partikularren arteko sinergiak sorrarazten dituzun bitartean, palko hauek partidaz gozatzeko oso aproposak dira, espazio esklusibo eta erosoak baitira sozializatzeko edota negozioak egiteko.
Informazioa eta Kontratazioa
Reale Arenan esperientzia esklusibo hau bizitzeko, VIP - Hospitality eremuak partida jakinetarako sarrera solteak erosteko aukera ematen dizu, zure erosotasunerako eta gozamenerako bereziki diseinatutako hainbat tokitan.
Ezagutu futbola bizitzeko eta Realaren pasioa sentitzeko beste modu bat Reale Arenan! Bizi ezazu partida bakoitza inoiz ez bezala eta bihur ezazu bisita bakoitza ezin ahaztuko esperientzia.