Michelin izarrak
Repsol eguzkiak
Akelarre, 1975az geroztik, Pedro Subijanaren sinonimoa da; munduko gastronomiaren eta Gipuzkoako hiriburuko mendi enblematiko baten gailurrean dago kokatua. Michelin Izar bat du 1978tik, bi 1982tik eta hiru 2007tik; horrez gain, hiru Repsol Eguzki ditu; horrekin dena esanda dago. Euskal Sukaldaritza Berriaren aitzindaria, ikertzaile porrokatua, maisuen maisu, bi menu eskaintzen ditu jatorrizko Akelarren eta karta bat bere Espazio Oteizan, non eskultorearen lan bat dagoen. Terraza itsasoaren gainean. Zentzumenen inperioa.
Paseo Padre Orkolaga, 56 (Monte Igeldo) 20008 Donostia / San Sebastián
restaurante@akelarre.net
943 311 209
Michelin izarrak
Repsol eguzkiak
Arzak bisitatzea munduko gastronomiaren Olinpoan sartzea da. Maisuen maisu den Juan Mari Arzakek eta bere alaba Elenak munduko saririk entzutetsuenak bereganatu dituzte, biek batera eta bakoitzak bere aldetik. 1989az geroztik, hiru Michelin Izar dituzte. Hiru Repsol Eguzki ere badituzte. Beren sukaldaritza alkimia da, eta aldaera organoleptiko berriak ikertzen, sortzen eta garatzen dituzte. Zapore-banku bat dute mila produktu eta osagairekin, eta haiekin lan egiten dute etengabe. Gizakientzako aparteko plazera, jainkoek egina. Bakarra.
https://www.arzak.es/
Alcalde J. Elosegui, 273 20015 Donostia / San Sebastián
informacion@arzak.es
943 278 465
Michelin izarrak
Repsol eguzkiak
Jatetxe hau Martin Berasategui maisuak zuzentzen dituen establezimenduen ikurra da. Sukaldari honen zuzendaritzapean dauden establezimenduek, guztira, hamabi Michelin Izar dituzte. Izar horietako hiruk, hiru Repsol Eguzkirekin batera, Lasarte-Oriako Martin Berasategi jatetxea argiztatzen dute aspaldidanik. Jatetxe hau naturaz inguratutako tenplu gastronomiko bat da; bertan egiten den sukaldaritza berritzailea eta irudimentsua da, ingurunean errotua dago, eta upeltegi bikainaz lagundua. Hori guztia talde gazte eta profesional batek eszenaratzen du. Munduko gastronomian erreferentea, bisita aurrez imajinaezina da eta, ondoren, ahaztezina.
Loidi, 4 20160 Lasarte-Oria
info@martinberasategui.com
943 366 471
Michelin izarrak
Repsol eguzkiak
Baserri zahar batean kokatua, bi euskal udalerriren (Errenteria eta Astigarraga) banalerroan, Mugaritzek, bi Michelin Izar eta hiru Repsol Eguzkirekin, sabelaz gain adimena elikatzeko diseinatutako esperientzia bat eskaintzen du. Mugaritz izenak muga eta duela 200 urtetik muga hori zaintzen duen haritza omentzen ditu. Muga hori ez da geografikoa soilik. Muga horrek Mugaritzen nortasuna ere definitu du, gastronomiaren eta artearen josturen artean, edo sukaldaritzaren eta zientziaren artean kokatu baitu. Andoni Luis Adurizek eta bere taldeak testurak, istorioak, zaporeak eta emozioak batzen dituen bizipen bat eskaintzen dute, esperientzia sentsorial harrigarri eta estimulagarria eraikitzeko.
https://www.mugaritz.com/
Aldura Aldea, 20 20100 Errenteria, Gipuzkoa
reservas@mugaritz.com
943 522 495
Repsol eguzkiak
Igeldo mendiaren magalean dagoen baserri batean dago, badiara begira. Rekondok Michelin Gidaren aitortza du, Repsol Eguzki bat du eta, batez ere, bere upategiak nazioko eta nazioarteko sari ugari jaso ditu, munduko onenetakoa baita. Bere kartan, famatu egin zuten plater kutunak eta denboraldiaren arabera aldatzen diren beste plater batzuk daude. Hogei herrialdetako baino gehiagotako milaka ardo botilei esker, bisitari bakoitzarekin konplizitate berezia eta paregabea lortzen du.
Paseo de Igeldo, 57 20008 Donostia / San Sebastián
restaurante@rekondo.com
943 212 907
Michelin izarrak
Repsol eguzkiak
Amelia by Paulo Airaudo jatetxeak bi Michelin izar ditu eta esperientzia gastronomiko paregabea eskaintzen du Donostian. Haren abangoardiako sukaldaritzaren oinarrian sasoiko produktuak daude, kontu handiz aukeratutakoak. Tradizioari eusten diote, baina ikuspegi berritzaile batez. Leku dotore eta intimo horretan, bisitariek sukaldaritza-bidaia aparta egiten dute; izan ere, sukaldean, sormena eta teknika uztartuz, produktuen purutasuna eta zaporea nabarmentzen dituzte.
http://www.ameliarestaurant.com/
Hotel Maria Cristina, República Argentina K., 4, 20004 Donostia / San Sebastián, Gipuzkoa
booking@ameliarestaurant.com
943 84 56 47
Michelin izarrak
IBAI jatetxean, euskal sukaldaritzaren esentzia aurkituko du bisitariak Donostiaren bihotzean. Paulo Airaudo da zuzendaria, eta Michelin izar bat du. Tokiko eta sasoiko produkturik onenek merezi duten bikaintasunaz mahairatzen dute tradizioa bertan. Gure baserri, lonja eta baratzeetako lehengaiekiko errespetua dago plater bakoitzaren oinarrian: produktuak egunero hautatzen dituzte, benetako esperientzia gastronomiko bat eskaintzeko. Tabernako pintxoen eta plater landuagoen bidez, Donostia gastronomia munduko hiriburuetako bat izatera eraman duten zaporeak ezagutzera gonbidatzen gaitu IBAIk. Ezinbesteko txokoa, benetakoa dena bilatzen dutenentzat.
Getaria Kalea, 15, 20005 Donostia / San Sebastián, Gipuzkoa
reservas@baribai.com
843 67 79 32
Michelin izarrak
Repsol eguzkiak
Alamedan, hurbileko sukaldaritzaren alde egiten du Gorka Txapartegi chefak: erabiltzen dituzten produktuen % 80ren jatorria 25 kilometroa dago, gehienez ere. Izan ere, Bidasoa-Txinguden eskualdean aparteko baldintzak dituzte kalitate bikaineko askotariko produktuak eskaintzeko. Lehengai horiekin, inguruko platerak eta zopak berreskuratu eta tradizioa berritzen dute. Eta tabernan, egungo ukitua duten betiko plater eta pintxoak eskaintzen dituzte.
https://www.restaurantealameda.net
Minasoroeta Kalea, 1, 20280 Hondarribia, Gipuzkoa
info@restaurantealameda.net
943 642 789
Michelin izarrak
Repsol eguzkiak
Javier Rivero eta Gorka Rico chefak dira Tolosako Ama jatetxeko buruak. Eskualdean parerik ez duen sukaldaritza-esperientzia bat eskaintzeagatik nabarmendu den jatetxe horrek oinarritzat ditu Tolosaldeko produktuen benetakotasuna, merkatu-sukaldaritza eta ekoizleekiko errespetua. «Tokikoak babesten gaitu, babestu dezagun tokikoa» lelopean, plater guztietan tokiko ekoizle txikien aberastasuna azpimarratzeko konpromisoa hartu du jatetxeak.
Martin Jose Iraola Hiribidea, 4, 20400 San Blas, Gipuzkoa
ama@amatolosa.com
943 38 20 59
Onartu gure cookieak esperientzia azkarragoa eta pertsonalizatuagoa izateko. Zure lehentasunak konfiguratu ditzakezu edo gure cookie politika.