Arte garaikideagatiko gustu pertsonal batek Arteko Galleryren ibilbidea bermatzen du 1996tik. Gros auzoan dago galeria, eta artista ospetsuen eta promesa gazteen artelanak ditu ikusgai, diziplina artistiko guztiak barne hartzen dituzten erakusketa interesgarriekin. Papera eta artista-liburuak nabarmentzen dira Artekoren bereizgarri gisa; izan ere, paper gaineko artelanetan espezializatuta dago hasiera-hasieratik, eta apustu horrek ezinbesteko erreferente bihurtu du galeria, euskarri horretan landutako proposamen bikainekin. Bi areto dituen galeria enblematiko honek (arrapala original batek lotzen dituen altuera desberdinetan) bisitari ugari erakartzen ditu, gunearen giro berezian ibiltzen direnak, irizpide eta nortasun zorrotzez hautatutako artelan ederrez inguratuta. Eduardo eta Gonzalo Chillida, Esther Ferrer, Elena Asins, Miquel Barceló, Joo Myung Duck, H.R. Giger eta beste artista ospetsu batzuek beren artelanak zintzilikatu dituzte bertan. Arteko Gallery dinamikoa da, eta arte-apustu erakargarriak ditu; horrela, bada, marka berdingabea da Arteko, kalitatezko arte garaikidea gogoko dutenentzat irekitako leiho bat.
Iparragirre, 4 20001 Donostia / San Sebastián
info@artekogallery.com
943 297 545
1948az geroztik, maisu-maistra larrukigileak izan dira. Esklusibotasuna, dotorezia eta kalitatea bilatzen duten premium turistek nahitaezko hitzordua dute, kalitate handiko larrukigintzamarka aurkituko dute BOX San Sebastianen, label donostiarrarekin. Donostiako merkataritzaren klasiko honetan, denboraz kanpoko estiloko bilduma zabal bat eta giro berezia aurkituko dituzu, eta harrituta geldituko zara saltokiko unibertso estilistikoaren kontzepzioarekin, eta arkitektura, natura edo paisaia donostiarrarekiko loturekin. “Aitzindariak izan dira jatorriari lotutako diseinuari balioa ematen”. Ekodiseinua, ekonomia zirkularra eta erantzukizun soziala ere badaude saltoki abangoardista honetan.
https://www.boxsansebastian.com/
Garibai, 25, 20004 Donostia / San Sebastián
info@boxsansebastian.com
943 421 240
1935az geroztik, Casa Munoa bitxigintzako erreferentea da Gipuzkoako hiriburuan. Gaur egun, hirugarren urregileen belaunaldiak pieza berriak diseinatzen eta fabrikatzen ditu dendan bertan kokatutako tailerrean, eta lan horretarako duen grina du bereizgarri. Bertan enkarguzko piezak sortzen dira, antzinako piezak diseinu berriekin eraldatzen edo zaharberritzen dira, eta kalitate handiko piezak eskuz egiten dira. Esklusibotasuna maite dutenentzako oparia.
Aldamar, 28 20003 Donostia / San Sebastián
j.munoa@telefonica.net
943 422 847
Ekain Arte Lanak galeria euskal artearen sorkuntza eta pentsamendu garaikiderako gune dinamikoa da. Donostiako alde zaharraren bihotzean, 120 m2 ditu, hiru eremutan banatuta: erakusketa-aretoa, galeriaren funtsa eta artista gonbidatuaren eremua. Erakusketa-proposamenak batetik bestera txandakatzen dira, eta artista finkatuen zein sortzen ari diren talentuen proiektuak hartzen ditu. 1999tik, Ekain galeriak eskultura-lanetan, pintura-lanetan eta obra grafikoan jartzen du arreta, aholkularitza pertsonalizatua emateko eta Donostiako kultura-eskaintzari balio erantsia emateko. Galerian egon diren artisten artean, honako hauek ditugu: Jose Luis Zumeta, Maria Paz Jimenez, Marta Cárdenas, Rafa Ruiz Balerdi, Amable Arias, Andrés Nagel, Clara Gangutia, Juan Luis Goenaga, Koldobika Jauregi, Miguel Balliache, Eduardo Chillida eta Vicente Ameztoy.
https://ekainartelanak.com/es/
Iñigo, 4 20003 Donostia / San Sebastián
info@ekainartelanak.com
943 421 729
Contxu Uzkudunek, New Basque Styleren sortzaileak, duela mendeerdia sortu zuen Minimil boutiquea, emakumeak estilo denboragabe, soil eta dotore batekin jazteko. Cristóbal Balenziaga eta antzeko sortzaileak ditu inspirazio-iturri, eta bere jantziek atxikita daramate lurraren eta kulturaren izaera. Pieza berdingabeak dira. Gaur egun, haren alabek, Ana eta Beatriz Zuaznabarrek, espíritu berari eusten diote, eta saiatzen dira nazioarteko joerak euskal modaren ezaugarrietara egokitzen. Euskadiko hiru hiriburuetan du presentzia.
Garibai, 3 20004 Donostia / San Sebastián
comercial@minimil.es
943 397 308
1908az geroztik maisu-maistra perfumegile, Benegasek munduko marka onenen eta bere marken aukeraketa bikaina eskaintzen die bisitariei: Benegas kolonia eta SSirimiri-Donostiako esentzia. Kosmetikan eta makillajean preskripziorik onena ematen dute, eta, edertasun-kabinan, larruazal mota bakoitzerako tratamendu pertsonalizatuak eskaintzen dituzte. Produktu-barietate handiari esker, turistak ziur aurkituko du bere buruarentzako edo senide edo lagunentzako oparirik onena. Aholkurik onena, bete-betean asmatzeko.
https://www.perfumeriabenegas.com/es-es
Garibay, 12 20004 Donostia / San Sebastián
info@perfumeriabenegas.com
943 420 305
1909az geroztik, Realak historiako hainbat orrialde idatzi ditu futbolean. Ligako bi txapelketa, Erregearen hiru kopa eta Erreginaren bat, Superkopa bat. Gure denda ofizialek kondaira honen parte izatera gonbidatzen zaituzte. Gozatu erosketa-esperientzia paregabe batez bi establezimenduetako batean. Estadioan, partidaren emozioa bizi eta azken produktuak eros ditzakezu. Donostiaren bihotzean, oroitzapen perfektu hori ere aurki dezakezu hiriaren xarmak inguratzen zaituen bitartean. Bi dendek futbolarekiko, gure balioekiko eta kolore urdinekiko grina bizitzeko aukera ematen dizute. Honekin batera, hurrengo zerbitzu esklusiboez gozatu dezakezu: irekiera pribatuaz edo zure erosketak hotelera bertaratzeko zerbitzuaz. Bat, bi, hiru, lau, bost, sei, zazpi… REAL!!!
Elkano Kalea, 4, 20005 Donostia / San Sebastián
Anoeta Pasalekua, 6, 20014 Donostia / San Sebastián
rsstore@realsociedad.eus
943 25 74 86
QUERA bitxi-denda eta erloju-denda familiar bat da, 1887an sortua. Donostiako boutiquea da Euskal Autonomia Erkidegoan sektoreari eskaintzen zaion espaziorik handiena, 700 m² baino gehiago baititu. Hiriaren erdi-erdian dagoen eraikin historiko batean dago, Getaria eta Arrasate kaleen arteko izkinan. Enpresaren ezaugarri den kalitate- eta bikaintasun-espiritua transmititzen du xehetasun bakoitzak. QUERA Donostia marka ospetsuen banatzaile ofiziala da: Rolex, Cartier, Chanel, Chopard, Pomellato, Messika... Erlojugintzako tailer propio bat ere badu, bezero guztientzat zerbitzu tekniko arin eta efizientea eskaintzeko aukera ematen duena.
https://www.quera.es/
Getaria Kalea, 13, 20005 Donostia / San Sebastián, Gipuzkoa
sansebastian@quera.es
943 934 400
Noventa Grados Donostian kokatutako concept store garaikide bat da. Bi denda ditu, Kale Nagusiko eta Loiola kaleko 3 zenbakietan. Marcial Muñozek 2005ean sortua, arropa, bitxiak, oinetakoak, osagarriak, artea, diseinua eta ile-apaindegia uztartzen ditu, espazio paregabeetan, zeinetan era naturalean uztartzen baitira merkataritza, kultura eta esperientzia sentsoriala. Nazioarteko marken, diseinatzaile emergente berrien eta tokiko talentuaren aukeraz zaindu baten bidez, Noventa Gradosek benetakotasunaren, kalitatearen eta diseinu kontzientearen aldeko apustua egiten du, eta zerbitzu profesional eta pertsonalizatua eskaintzen du zenbait hizkuntzatan. Tokiko eta nazioarteko sariekin aitortu dute denda, eta tokiko merkataritza defendatzen du, ikuspegi globalarekin.
Kale Nagusia, 3, 20003 Donostia / San Sebastián, Gipuzkoa
comunicacion@noventa-grados.com
+34 632 35 79 50
Casa Otaegui Donostiako artisau-gozotegirik zaharrena da, 1886an sortua eta duela lau belaunaldiz geroztik hiriko erreferentzia. Donostian hiru denda ditu, eta Narrika kalekoa da gehien nabarmentzen dena, duen arkitektura originalagatik. 2026an 140 urte ospatu zituen. Bitarte horretan, une paregabeak gozoago bilakatu ditu, betiere lantegiaren esentziari eutsita eta aparteko lehengaien aukeraketa bati esker. Pantxineta tipikoa da Donostiako ospakizunetan. Otaeguiren sorkuntza da, eta gomendatzen da haren dendetan benetakoa dastatzea eta zerbitzuaren eta produktuaren esperientzia bizitzea. Familien eskaera bereziei, ezkontzei, ekitaldi korporatiboei eta ospakizun pribatuei esklusiban erantzuten diete.
https://www.pasteleriaotaegui.com
Narrika Kalea, 15, 20003 Donostia / San Sebastián, Gipuzkoa
administracion@pasteleriaotaegui.com
943425606
Amarenak Donostiako marka bat da, moda garaikidearen bidez euskal ehungintzaren ondarea berrinterpretatzen duena. Pieza bakarrak diseinatzen ditugu — zenbakiatuak—, gure lurraldearen historian, kulturan eta memorian oinarrituak eta ehun nobleez bertan eginak. Gure boutiqueak esperientzia kultural eta pertsonalizatua eskaintzen du Alde Zaharraren erdi-erdian, eta premium bezeroei arreta esklusiboa emateko aukera eskaintzen du. Bisita bakoitzak euskal arima dotoreziatik, benetakotasunetik eta diseinutik deskubritzeko gonbidapena egiten du.
Arrandegi Kalea, 4, bajo, 20003 Donostia / San Sebastián, Gipuzkoa
oihane@amarenak.com
+34 635 20 14 65
Onartu gure cookieak esperientzia azkarragoa eta pertsonalizatuagoa izateko. Zure lehentasunak konfiguratu ditzakezu edo gure cookie politika.